لا تلـعـبـي بـالـنـار أخـــاف تـكـويــك
ولا تحـرقـي قـلـبـك بـفـعـل الجـهـالـه
ولا يـغــرك فـعــل هــــذي وهــذيــك
قلبك علـى فراقـي يـا صعـب احتمالـه
ادري الهوى والشـوق متمكـن ٍ فيـك
وادري هــواي بقلـبـك مـالـك بـدالــه
لالا تبيـعـي منـهـو بالعـمـر شـاريــك
اللـي فـداك بـروحـه وحـالـه وحـلالـه
يدمح خطـاك والـى زعلتـي يراضيـك
ولا ضاق صدرك يوم ٍ ما ارتاح بالـه
قلبـه عليـك ومـن العتـب دوم معفيـك
لا جــا يعـاتـب قـــال مـاهــو مـجـالـه
عيدي النظـر فـي هالقـرار لا يودّيـك
باقـصـى متـاهـات الشـقـا والـظـلالـه
لا تنـدبـي حـظـك فــي تـالـي ليـالـيـك
لامــن فـقـد قـلـبـك ربـيـعـه ودلالـــه
تريّـثـي والـفـرصـه للـحـيـن بـيـديـك
طـاري الهجـر والبـعـد مـالـك ومـالـه
لا فـاتـت الفـرصـه ماظنـيـت يمـديـك
قلـبـي وانــا اعـرفـه لا نــوّخ جمـالـه
صعب ٍ رجوعه وصعب يتبع خطاويك
دروب الهـوان والــذل ماهـيـب فـالـه
أقولـهـا لا الـنـار يــا زيـــن تـكـويـك
ولا تحـرقـي قـلـبـك بـفـعـل الجـهـالـه
المدير العام
الأحد أغسطس 10, 2008 11:45 am